MR408D - Declaración responsable anual de acreditación do mantemento das condicións de cualificación das explotacións prioritarias establecidas no decreto 200/2012.

Obxecto

Establecer o procedemento de presentación da declaración responsable anual que acredite que se manteñen as condicións de cualificación das explotacións prioritarias inscritas no Rexistro de Explotacións Agrarias de Galicia establecidas no Decreto 200/2012, do 4 de outubro, polo que se regula o Rexistro de Explotacións Agrarias de Galicia (en diante Reaga).

Publicar as novas marxes produtivas netas e brutas correspondentes ás diversas actividades produtivas, para o cálculo da RUT, de acordo co artigo 13 do Decreto 200/2012 e co artigo 3.2.e) da Orde do 22 de xaneiro de 2009 pola que se establecen disposicións para a xestión do Rexistro de Explotacións Agrarias de Galicia, creado polo Decreto 253/2008, do 30 de outubro, e para a cualificación e acreditación das explotacións agrarias prioritarias (Diario Oficial de Galicia núm. 19, do 28 de xaneiro de 2009).

A quen vai dirixido?

Titulares das explotacións agrarias prioritarias.

Requisitos

1. Mediante esta declaración deberase acreditar anualmente que se manteñen as condicións do recoñecemento e inscrición como tales das explotacións agrarias prioritarias conforme o previsto no capítulo III do Decreto 200/2012.

2. Están na obriga de presentar a declaración responsable ante o órgano encargado da xestión dese rexistro no prazo establecido no artigo 5 desta orde:
a) As persoas titulares das explotacións agrarias prioritarias inscritas no Reaga, para o cal deberán presentar o anexo I desta orde.
b) No caso de explotacións agrarias prioritarias con titular persoa xurídica, xunto coa declaración responsable, deberase acreditar o nome e a porcentaxe de participación dos seus socios, para o cal deberá presentar o anexo II. Así mesmo, coa declaración responsable deberase acreditar o nome das unidades de traballo agrario (UTA) da explotación e o tipo de UTA (man de obra familiar, man de obra asalariada), para o cal deberá presentar o anexo III.

3. A falta de presentación da declaración no prazo indicado suporá o inicio de oficio dun expediente de baixa segundo o establecido no artigo 11 do Decreto 200/2012, agás que o titular da explotación prioritaria presentase as autorizacións incluídas nos números 3 e 4 do artigo 3 en anos precedentes. Neste último caso non se está obrigado a presentar a dita declaración responsable.

4. Sen prexuízo do indicado no artigo 2 desta orde, e de acordo co que se establece no artigo 9 da Orde do 22 de xaneiro de 2009, as persoas titulares de explotacións agrarias prioritarias deberán comunicar todos os cambios que afecten a condición de prioritarias, especialmente os relativos á titularidade, dimensión produtiva da explotación e man de obra ocupada nela. Estes cambios terán que ser notificados no prazo máximo dun mes desde que se produzan. No caso de cambios de titularidade, deberá acreditarse se o novo titular desexa manter a condición de prioritaria, para o cal deberá presentar a documentación indicada nos artigos 14 a 18 do Decreto 200/2012. Para o resto das modificacións substanciais na explotación, terase en conta o procedemento establecido no artigo 10 do Decreto 200/2012.

Ler máis Ler menos

A onde acudir

Consellería do Medio Rural

Dirección Xeral de Gandaría, Agricultura e Industrias Agroalimentarias

Subdirección Xeral de Explotacións Agrarias

Servizo de Explotacións e Asociacionismo Agrario

Consellería do Medio Rural

Xefatura Territorial da Consellería do Medio Rural da Coruña

Servizo de Explotacións Agrarias da Coruña

Consellería do Medio Rural

Xefatura Territorial da Consellería do Medio Rural de Lugo

Servizo de Explotacións Agrarias de Lugo

Consellería do Medio Rural

Xefatura Territorial da Consellería do Medio Rural de Ourense

Servizo de Explotacións Agrarias de Ourense

Consellería do Medio Rural

Xefatura Territorial da Consellería do Medio Rural de Pontevedra

Servizo de Explotacións Agrarias de Pontevedra

Ler máis Ler menos

Órgano responsable

Servizo de Explotacións e Asociacionismo Agrario

Normativa

Ámbito Autonómico

Decreto 200/2012, do 4 de outubro, polo que se regula o Rexistro de Explotacións Agrarias de Galicia (DOG nº 196 do 15 de outubro de 2012).

Ligazón á normativa

Orde do 6 de novembro de 2014 pola que se establecen disposicións de xestión do Rexistro de Explotacións Agrarias de Galicia, regulado polo Decreto 200/2012, do 4 de outubro, para a acreditación anual das explotacións agrarias prioritarias inscritas nel (DOG nº 221 do 18 de novembro de 2014).

Ligazón á normativa